(Testo in dialetto parmigiano)
Maria Godi… la
Levatrice di Pramzàn.
St’an’, al
domillaetrèddoz, l’ é n’an’ äd ricorénsi importanti bombén par Pärma. Prìmma äd
tutt al bicentenäri ädla nàsita äd Pepino Verdi, al méstor äd Busèjj, al
centenäri ädla nàsita äd Pédor Barìlla,
al centenäri ädla fondasjón dal Pärma footbal Club, nasù cme Verdi
footbal Club, incó Pärma calcio, i sént an’ ädla prìmma corsa d’avtomòbil Pärma
- Pòg’ äd Bersèjj. St’an’ l’é ànca sént
an’ dala nàsita äd Maria Godi, “Levatrìce o dònna ch’ léva i pärt”, cme gh’é
scrìtt in djalètt in-t-al disionäri äd Guglielmo Capacchi ala parola in italian
“Ostetrica”. Mamma Godi, cme l’à gh’
tgnèva tant lé färos ciamär, l’à
fat nàsor pù äd 5.000 putén pramzàn, fra i cuäj ànca i mè du fjój, l’é städa
azvén a me mojéra fin in ùlltom.
Nasùda al 30 novémbor dal 1913, l’à s’éra diplomäda in ostetricia in-t-al 1935. L’ äva sùbbit comincè la so ativitè in montagna a Cornì e in-t-il so frasjón. In còll perìod li p’r asìsstor il partorjénti i l’andävon a tór con al mull. Durànt l’ ùlltma gvéra l’ éra a Corcagnàn e pù äd ‘na volta l’à rìzgè la so vìtta par fär nàsor ‘na nóva vìtta . Mi am’ l’ arcòrd in-t-i ani stànta andär a fär vìzita al futùri mamén’ni con la so Fiat 126. Con al so stetoscòpi in lèggn l’à säva indvinär se còll ch’ à gh’ äva da nàsor l’éra un mas’c’ o ‘na fèmmna e l’ à ‘n zbaljäva mäj.
Anca s’ la lavoräva par so cónt, l’äva zvòlt la so ativitè in trèj famózi ca’ ‘d cura, la Braga Valli, l’Inzani e le Piccole Figlie. L’éra ‘na parsón’na fóra dal normäl, pasjénta e modésta, mìga sol p’r il màmi mo ànca p’r i papà ch’ i l’ävon consùda. In-t-al 1985 l’é andäda in pensjón, mo l’à gh’ tgnäva andär a catär il so ex pasjénti, e l’à continvè a där di consìlli e sugerimént a gratis. L’é morta al 2 novémbor dal 1998 a 85 ani. La vräva bén bombén ala so Pärma e ai so pramzàn, e la parläva in djalètt con il so pasjénti. L’ùlltom dezidéri prìmma äd morir, la dmandè ala fjóla Anna äd portärogh dìll violètti insìmma ala so tomba. Gràsja “Mamma Godi” par còll ch’ a t’ é fat par Pärma.
Nasùda al 30 novémbor dal 1913, l’à s’éra diplomäda in ostetricia in-t-al 1935. L’ äva sùbbit comincè la so ativitè in montagna a Cornì e in-t-il so frasjón. In còll perìod li p’r asìsstor il partorjénti i l’andävon a tór con al mull. Durànt l’ ùlltma gvéra l’ éra a Corcagnàn e pù äd ‘na volta l’à rìzgè la so vìtta par fär nàsor ‘na nóva vìtta . Mi am’ l’ arcòrd in-t-i ani stànta andär a fär vìzita al futùri mamén’ni con la so Fiat 126. Con al so stetoscòpi in lèggn l’à säva indvinär se còll ch’ à gh’ äva da nàsor l’éra un mas’c’ o ‘na fèmmna e l’ à ‘n zbaljäva mäj.
Anca s’ la lavoräva par so cónt, l’äva zvòlt la so ativitè in trèj famózi ca’ ‘d cura, la Braga Valli, l’Inzani e le Piccole Figlie. L’éra ‘na parsón’na fóra dal normäl, pasjénta e modésta, mìga sol p’r il màmi mo ànca p’r i papà ch’ i l’ävon consùda. In-t-al 1985 l’é andäda in pensjón, mo l’à gh’ tgnäva andär a catär il so ex pasjénti, e l’à continvè a där di consìlli e sugerimént a gratis. L’é morta al 2 novémbor dal 1998 a 85 ani. La vräva bén bombén ala so Pärma e ai so pramzàn, e la parläva in djalètt con il so pasjénti. L’ùlltom dezidéri prìmma äd morir, la dmandè ala fjóla Anna äd portärogh dìll violètti insìmma ala so tomba. Gràsja “Mamma Godi” par còll ch’ a t’ é fat par Pärma.
(Tgnèmmos vìsst)
En. Ma.(Nella foto: Maria Godi con in braccio due dei 5.000 bambini che ha assistito nella nascita)
Post
Nessun commento:
Posta un commento