(TESTO IN DIALETTO PARMIGIANO)
Pärma
Villafranca 2-1
Zommers
déz : Tin Tin ( cartón animè
p'r i pù véc' ) l’ à fat un nùmmor da ufo ; a l’ùltom second
äd ricùppor dop avér fat da spetadór
par tùtta la partìda, al tira fóra
'na paräda da GigiBuffon ; vót
che al segrét al 'n gh’abja un nòmm e cognòmm bén preciz :
Ermes Fulgoni !
Adorni
òt : pasäda la mòla in-t-il gambi äd domenica pasäda, as' vèdda
che l’aria äd ca' la t’à fat bén bombén, e t’é fat un
prìmm témp strepitóz fin
tant da ciapär al rigor, còsste chi sacrosant ! di vè pramzàn sit
bón äd
lézor il pagéli da ti o at' sarvìssa tò zio da fär
la tradusjón ?
Caciól
séz : l’é anca véra che al rigòr al né gh’éra mìga, mo in
area sérca d’ésor un po’ pù delicät,
parchè cuand at' vè déntor ti at' fè pù póra
che al mè amigh Danilo Coppe cuand al tira zò i palàs con la
dinamite; però caràtor da véndor, gran còza sul nòstor rigor e
'na mura lì dardè a cuatär
anca al Capitàn che jerdlà al fäva anca al regissta
Lucarélì
séz : Capitàn, par ti i vót
pù bél a j' à tén in-t-al cavàgn p'r il grandi ocazjón,
a tutt il manéri a vèdd che chi ragàs chì j’én adrè a
crèssor da razón, sìggn che
la ciòsa l’é äd còlli bón’ni
!
Ricci
sètt : parsonalitè da véndor, e dir che anca lù al né gh' à
gnan l’etè par där la paténta, fìzich da la madònna e 'na béla
corsa, e un pè un po’ a ronchètta, dal rést cme Adorni dedlà,
ideäl par fär di cross, e cme difati a forsa ed dai e dai da vón
l’é saltè fóra al gol äd
la vitòrja
Corapi
séz : té m' si piazù meno che domenica indrè, un po’ gornè e
un po’ pisstapòcci, srà anca ch' a gh’éra pòch da cuzìr par
ti ch' at' si al sartór ädla
scuädra dato ch' l’é stè n’ asédi par novanta minud e pù che
còjj ch' a dróva gòccia e
fil, domenica a s’é vìsst còjj ch' a dróva
la motoséga e al bindél
Giorgén
òt : gran béla partìda, adésa bizognarà ch' at' cata un paragón
anca a ti, Pizarro second mi al té somìllja bombén ( lù a tì ahn
? ) a pärta al barbér che lù al va da còll di frè e invéci ti
at' vè da un fachiro
Lauria
sètt : t’é magnè un gat viv t’al digh !! mo la va bén acsì
però cuand at' tir i rigór pù
deciz e prìmma äd tutt tìrja
sòtta la travèrsa chi né gh' rivon mìga !
Melandri
séz : contra a di bunker andärogh con la sfrómbla
as' va poch lontan, un po’ al discors fat con Corapi, second mi
anca ti at' si pù un zugadór
da trasfèrta e contropè e sa' pos därt un consìlli, sérca äd
star pù trancuìll e fär méj al prìmm control parchè a pär ch'
at' gh’ àbi al bal äd san Vit, sta trancuìll ch'a né t' magna
mìga nisón, anca parchè a t'
si trop mägor
Sereni
séz : al colp al t’é restè in cana mo la stofa la gh’é ecome
! second mi marcordì al tira fóra
al cunì dal cilìnndor, vrèmma scomèttor
Longobärdi
déz : prontìssim sul rigor zbaljè, mo al gol ragas ! no mo che gol
t’é fat l'òmmo ??? che gol t’é fat ??? adésa at' fagh un
paragón da zgrizór
: gol da Hèrnan, e a m’ é d’avis d’avér dìtt tutt; e po’
la corsa tachè ala ramäda in-t-al stés pòst äd Barbuti; a dirìss
ch' at' si partì bén bombén, at manca da fär na còza cme Sandro
Melli e po’ at' si béle a pòst con tùtta la sacra trinitè
crozäda ! bräv bòmber !!! bräv !!!
Apolón
òt : Gigjón la sträda l’é
còlla giussta, mi a sérch äd ragionär sul còzi invéci che
sparär dil senténsi acsì ! e i fat i dizon ch’ at' gh’é vint
ragas in man da un méz che prìmma in s’éron mäj consù vón
con ch' l’ätor, e at' si “oblighè” a vénsor, e poch importa
sa sèmma in sèrja D, e p'r al momént at' si 'drè fär un lavór
pù che pozitìv ! avanti acsì !
CARICA
CROCIATI
(Tgnèmmos vìsst)
(Testo di Crociato 63)
(Supervisione
ortografica a cura di Enrico Maletti)
Post
Nessun commento:
Posta un commento